കോർക്കിൽ നോമ്പുകാല ധ്യാനം ആരംഭിച്ചു.

സിറോ-മലബാർ ചർച്ച് കമ്യൂണിറ്റി യുടെ ഈവർഷത്തെ നോമ്പുകാല ധ്യാനം മാർച്ച് 24ാം തീയതി വിൽട്ടൺ SMA ചർച്ചിൽ ആരംഭിച്ചു. ഓശാന ഞായറാഴ്ച ഉച്ചകഴിഞ്ഞ് 2 മണിക്ക് ഓശാന തിരുക്കർമ്മങ്ങളോടെ ആരംഭിച്ച വിശുദ്ധകുർബാനയെ തുടർന്ന് ഈ വർഷത്തെ നോമ്പുകാല ധ്യാനത്തിന് തിരി തെളിഞ്ഞു.
മാർച്ച് 26-ാം തീയതി വരെ നടത്തപ്പെടുന്ന ധ്യാനം റവ. ഡോ. ജയിംസ് കിളിയനാനിക്കൽ നയിക്കും.
നമ്മുടെ കർത്താവീശോമിശിഹായുടെ പീഢാനുഭവവും മരണവും ഉദ്ധാനവും അനുസ്മരിച്ച് നോമ്പിന്റെയും പരിത്യാഗത്തിൻ്റെയും ചൈതന്യം ഉൾക്കൊണ്ടുകൊണ്ട്, ധ്യാനത്തിലും മറ്റു തിരുക്കർമ്മങ്ങളിലും പങ്കുകൊണ്ട് അനുഗ്രഹങ്ങൾ പ്രാപിക്കുവാൻ എല്ലാവരെയും സ്നേഹപൂർവ്വം ക്ഷണിക്കുന്നുവെന്ന് chaplain Fr. Jilson Kokandathil അറിയിച്ചു.

Jaison Joseph
PRO
SMCCC