കോർക്കിൽ നോമ്പുകാല ധ്യാനം ഏപ്രിൽ 6 ന് ആരംഭിക്കും.

കോർക്ക് സിറോ-മലബാർ ചർച്ച് കമ്മ്യൂണിറ്റിയുടെ ഈ വർഷത്തെ നോമ്പുകാല ധ്യാനം ഏപ്രിൽ 6 ഞായറാഴ്ച വിൽട്ടൺ SMA ചർച്ചിൽ ആരംഭിക്കും. ഞായറാഴ്ച 2:30 നു ആരംഭിക്കുന്ന ധ്യാന ശുശ്രൂഷകൾ സിറോ-മലബാർ അഡീലാബാദ് രൂപത ‘ജീവസ്വരം’ ധ്യാനകേന്ദ്രം ഡയറക്ടർ റവ: ഫാ. കുര്യൻ പൊന്മലകുന്നേൽ നയിക്കും.

ഞായറാഴ്ച ഉച്ചകഴിഞ്ഞ് 2:30 മുതൽ 8 മണി വരെയായിരിക്കും ധ്യാനം. 5 മണിക്ക് വിശുദ്ധകുർബാന ഉണ്ടായിരിക്കുന്നതാണ്. 7 (തിങ്കൾ), 8 (ചൊവ്വാ) ദിവസങ്ങളിൽ വൈകുന്നേരം 5:30 ന് വിശുദ്ധ കുർബാനയും തുടർന്ന് 09:30 വരെയുമായിരിക്കും ധ്യാനം. തിങ്കൾ, ചൊവ്വ ദിവസങ്ങളിൽ കുമ്പസാരിക്കാനുള്ള സൗകര്യവും ഉണ്ടായിരിക്കുന്നതാണ്.

നമ്മുടെ കർത്താവീശോമിശിഹായുടെ പീഢാനുഭവവും കുരിശുമരണവും ഉത്ഥാനവും അനുസ്മരിച്ച് നോമ്പിന്റേയും പരിത്യാഗത്തിന്റേയും ചൈതന്യം ഉൾക്കൊണ്ട്, ധ്യാനത്തിലും മറ്റു തിരുക്കർമ്മങ്ങളിലും പങ്കുകൊണ്ട് അനുഗ്രഹങ്ങൾ പ്രാപിക്കുവാൻ എല്ലാവരെയും സ്നേഹപൂർവ്വം ക്ഷണിക്കുന്നുവെന്ന് Chaplain Rev. Fr. ജിൽസൺ കൊക്കണ്ടത്തിൽ അറിയിച്ചു.

Jaison Joseph
PRO SMCCC