കോർക്കിൽ നോമ്പുകാല വാർഷിക ധ്യാനം മാർച്ച് 29 ന്: Rev. Fr. ജോസഫ് പുത്തൻപുരക്കൽ OFM Cap നയിക്കും.

കോർക്ക് സിറോ-മലബാർ കാത്തലിക്ക് ചർച്ച് കമ്മ്യൂണിറ്റിയുടെ ഈ വർഷത്തെ നോമ്പുകാല വാർഷിക ധ്യാനം മാർച്ച് 29 ന് ഓശാന ഞായറാഴ്ച Dennhy’s Cross ചർച്ചിൽ ആരംഭിക്കും. ഞായറാഴ്ച 2:30 നു ഓശാന തിരുക്കർമ്മങ്ങളോടു കൂടി ആരംഭിക്കുന്ന ധ്യാന ശുശ്രൂഷകൾ പ്രസിദ്ധ ധ്യാനഗുരു Rev. Fr. ജോസഫ് പുത്തൻപുരക്കൽ OFM Cap നയിക്കും.

30(തിങ്കൾ), 31(ചൊവ്വാ) ദിവസങ്ങളിൽ വൈകുന്നേരം 5:00 ന് വിശുദ്ധ കുർബാനയും തുടർന്ന് 09:00 വരെയുമായിരിക്കും ധ്യാനം. തിങ്കൾ, ചൊവ്വ ദിവസങ്ങളിൽ ആണ്ടു കുമ്പസാരത്തിനുള്ള സൗകര്യവും ഉണ്ടായിരിക്കുന്നതാണ്.

നമ്മുടെ കർത്താവീശോമിശിഹായുടെ പീഢാനുഭവവും കുരിശുമരണവും ഉത്ഥാനവും അനുസ്മരിച്ച് നോമ്പിന്റേയും പരിത്യാഗത്തിന്റേയും ചൈതന്യം ഉൾക്കൊണ്ട്, ധ്യാനത്തിലും മറ്റു തിരുക്കർമ്മങ്ങളിലും പങ്കുകൊണ്ട് അനുഗ്രഹങ്ങൾ പ്രാപിക്കുവാൻ എല്ലാവരെയും സ്നേഹപൂർവ്വം ക്ഷണിക്കുന്നുവെന്ന് Chaplain Rev. Fr. ജിൽസൺ കൊക്കണ്ടത്തിൽ അറിയിച്ചു.

Jaison Joseph
PRO SMCCC CORK