ലോകം ശ്വാസമടക്കിപ്പിടിച്ചു കണ്ട സ്പെയിൻ – ഫ്രാൻസ് ഫിഫ ലോകകപ്പ് സെമിഫൈനൽ പോരാട്ടത്തിനിടെ ഫുട്ബോൾ പ്രേമികളുടെ കണ്ണ് ഉടക്കിയത് കളിക്കളത്തിലെ മറ്റൊരു അപൂർവ്വ ദൃശ്യത്തിലായിരുന്നു. ആ നിർണ്ണായക മത്സരത്തിന്റെ ഗതി നിയന്ത്രിച്ച റഫറിയുടെ വിസിലിൽ തൂങ്ങിക്കിടന്ന ഒരു ചെറിയ വെള്ളി കുരിശുരൂപം!
എൽ സാൽവഡോറിൽ നിന്നുള്ള പ്രമുഖ റഫറി ഇവാൻ ബാർട്ടനാണ് (Ivan Barton) കളിക്കളത്തിലെ സമ്മർദ്ദ നിമിഷങ്ങളിലും തന്റെ വിശ്വാസം നെഞ്ചോട് ചേർത്തുപിടിച്ച് മാതൃകയായത്. കളി നിയന്ത്രിക്കാൻ അദ്ദേഹം ഉപയോഗിച്ച വിസിലിന്റെ താഴ്ഭാഗത്തായി ഘടിപ്പിച്ചിരുന്ന കുരിശിന്റെ ചിത്രം അന്താരാഷ്ട്ര സ്പോർട്സ് ചാനലായ ‘ESPN’ തങ്ങളുടെ ഔദ്യോഗിക പേജുകളിൽ പങ്കുവെച്ചതോടെയാണ് ഈ ദൃശ്യം ആഗോളതലത്തിൽ തരംഗമായത്.
കോടിക്കണക്കിന് ആളുകൾ ഉറ്റുനോക്കുന്ന വലിയൊരു വേദിയിൽ, അതിസൂക്ഷ്മവും എന്നാൽ ഏറെ ശക്തവുമായ രീതിയിൽ തന്റെ വിശ്വാസം പ്രഖ്യാപിച്ച ഇവാൻ ബാർട്ടൻ, വലിയ ഉത്തരവാദിത്തങ്ങൾക്കിടയിലും ദൈവത്തെ കൂടെനിർത്തുന്നതിന്റെ മനോഹരമായ വിശ്വാസസാക്ഷ്യം തന്നെയാണ്.
The post ലോകകപ്പ് വേദിയിൽ ശ്രദ്ധേയമായി ഇവാൻ ബാർട്ടന്റെ വിശ്വാസസാക്ഷ്യം! appeared first on Syro-Malabar News.
